Согласно Законот за заштита на населението од заразни болести, а врз основа на одлуката на Советот на Општина Дебрца за спроведување на превентивна систематска дезинсекција, во петок, на 27-ми август ќе се изврши теристичка (од земја) дезинсекција за уништување на комарците.
Се известуваат граѓаните кои одгледуваат пчели на подрачјето на општина Дебрца дека запрашувањето ќе се врши во периодот од 21:00 до 06:00 часот со апарат за ULV ладно запрашување.
Со дезинсекцијата ќе бидат опфатени зелените површини во општината, подрачјето на реката Сатеска, локалитетите со застојни водени површини, урбани населби и локалитети предвидени во планот и програмата. Се молат пчеларите и пчеларските задруги да ги превземат соодветните мерки за заштита на на пчелите. Во случај на појава на неповолни временски услови (ветар, дожд), дезинсекцијата се одложува за следниот поволен ден – информираат од Општина Дебрца.
Граѓаните можат да добијат дополнителни информации на телефоните за контакт во Центарот за јавно здравје во Охрид: 046/231-881 и 046/230-231.
