Согласно Законот за заштита на населението од заразни болести (Сл. весник на РМ 66/2004, 139/2008 и 99/2009, 149/2014, 150/2015 и 37/2016), а врз основа на одлуката на Советот на Општина Охрид за спроведување на превентивна систематска дезинсекција на територијата на општина како општа противепидемиска мерка Општина Охрид информира:
Се известуваат граѓаните кои одгледуваат пчели на подрачјето на општина Охрид дека на ден 16.06.2022 год. (четврток) ќе се спроведе теристичка (од земја) дезинсекција против комарци. Запрашувањето ќе се врши во период од 19 часот во четврток до 06 часот во петок.
Опфатено ќе биде Охридското крајбрежјето на потег од с. Подмолје до комплексот Св. Наум, а дезинсекција ќе се врши и на територијата на град Охрид, потег на река Грашница, Коселска Река.
Се молат пчеларите и пчеларските задруги да ги превземат соодветните мерки за заштита на на пчелите.
Исто така се молат и граѓаните во тој период да го намалат своето движење на посочениот опфат.
Во случај на појава на неповолни временски услови (ветар, дожд) дезинсекцијата се одложува за следниот поволен ден.
