Спортските риболовци реагираат за изловот на пастрмката и белвицата за време на нивниот мрест. Претседателот на СРК „Св. Апостол Петар“, Радован Димитриески, вели дека тоа го нема никаде во светот. За него е нејасно зошто се дозволува лов на белвица 6 дена, во шпицот на нејзиниот мрест.
„Од 15 ти октомври до 1 ви декември со помош на експертите и со одлука на министерството се вршеше лов на белвица со мрежи кои се помали од предвидените. Со тоа се нарушија многу закони“ -вели Димитриески.
Димитриески е категоричен дека нема да молчат и дека со сите сили ќе се борат за заштита на рибниот фонд и покрај сите препреки и опструкции што им ги прават дел од субјектите кои се надлежни за рибарството.
„Сакам да препорачам на сите субјекти кои се зависни конкретно во рибарството кои имаат мува на капа и кои ни претат на разни начини и кои сакаат да не замолчат како невладин сектор и кои со разни уцени ни ограничуваат и простор на движење, дека нема да успеат во тоа, само ни даваат повеќе елан да работиме и да се бориме за заштита на рибниот фонд“.
Претседателот на охридскиот риболовен клуб цврсто стои на ставот дека рибокрадството цвета во Охридското Езеро и оти вчерашната акција на МВР е само почеток на одмотување на клопчето на рибарскиот криминал, кој се случува пред очите на сите, неколку години наназад.
{loadposition content9}
