Директорот на Општа болница со демант на изнесените обвинувања на пресот на СДСМ. Според Арнаудов, пресот на СДСМ е политички инструиран и дека граѓаните знаат дека ситуацијата во болницата не е таква каква што било изнесено на нивната прес конференција.
“Сето тоа е лага, господинот кој го даде пресот сакам да го прашам кога последен пат дојде во болницата и да види каква е ситуацијата, и не е убаво да се слушаат низ градот мислења па од тоа да се носат заклучоци кои не се издржани јас можам најодговорно да кажам дека максимално водам грижа за развојот и одржувањето на Општата болница Охрид. Имаме режим на греење во болницата, наутро се грее од пет часот до девет и после пладне од 16 или 17 часот до 22 часот и тоа се зависи од климатските услови. Моментално сами гледате какво е времето сега, дали е домаќински сега да грее парното.”-вели д-р Арнаудов.
