На 21.12.2022, во просториите на Црвен крст Охрид, се одржа дисеминациска сесија за членовите на Собранието на Црвен крст Охрид.
Во текот на сесијата, учесниците се запознаа со историјата и со основните принципи на Меѓународното движење на Црвениот крст и Црвената полумесечина, за улогата на Меѓународниот комитет на Црвениот крст и Меѓународната федерација на друштвата на Црвениот крст и Црвената полумесечина, за активностите на националните друштва, за дејствувањето на Црвен крст Охрид итн – информираат од Црвен крст Охрид.
Дисеминациската сесија ја одржаа Весна Терзиоска, потпретседател на Црвен крст Охрид и Љупчо Милкоски, долгогодишен волонтер на Црвен крст Охрид.
