Дојава за бомба во охридскиот суд
![](/wp-content/themes/yootheme/cache/f7/%D1%81%D1%83%D0%B4-5-f76b758a.jpeg?x28309)
Лажна дојава за бомба ги вознемири утрово вработените во Основниот суд во Охрид. Неколку минути пред 8 часот, вработените ги напуштија работните просториите во судската зграда, по дојава за подметната експлозивна направа.
![](https://tvm.mk/wp-content/uploads/2023/02/суд-1-1024x576.jpg?x28309)
Од СВР информираа дека по добиената закана од непознато лице на електронска адреса на судот, од полициски службеници биле преземени мерки за безбедно евакуирање на објектот, а потоа е извршена и детална антитерористичка проверка. Откако се утврдило дека станува збор за лажна пријава вработените се вратиле на своите работни места.
![](https://tvm.mk/wp-content/uploads/2023/02/суд-3-1024x576.jpg?x28309)
За време на проверките затворена за сообраќај беше улицата Македонски Просветители пред судската зграда. Објектот беше обезбеден со присуство на екипи од охридската полиција, Брза помош и против пожарната единица штого привлече вниманието на граѓаните. Охриѓани се со поделени размислување по овој настан дали ваквите закани ги вознемируваат. Некои ги вознемируваат ваквите дојави, а други веќе се навикнале на нив.
![](https://tvm.mk/wp-content/uploads/2023/02/суд-9-1024x576.jpg?x28309)
Инаку, во Охридскиот суд за утре е закажано првото рочиште против лице осомничено за нападот над секретарот на бугарскиот клуб во Охрид, Христијан Пендиков.
Денешната дојава за бомба е втора во Охрид. Предходно, кон крајот на декември минатата година, закана за поставена бомба ја прекина наставата и во ЕМУЦ „Св Наум Охридски“.