„Донирај компјутер“- хуманитарна акција на охридските гимназијалци

Ученици од ОСУ „Св Климент Охридски“, по иницијатива и со помош на проф. по информатика Дарко Цветкоски, од старо направија ново т.е. многу стари компјутери ги претворија во нови и истите ќе им се донираат на оние кому им се најмногу потребни како Новогодишни подароци.

„Ова е само прв дел од акцијата која ќе се спроведува во тек на целата 2024 година и во која секој ќе може да се вклучи донирајќи ИТ опрема која подоцна ќе биде средена и на крај донирана! Каков крај на старата година! Големо браво за учениците и за професорот!“ – велат од охридската гимназија.

ОСУ„Св. Климент Охридски“ – Охрид заедно со учениците и професорот Дарко Цветкоски кои беа вклучени во целата акција, им ја честитаат 2024 година на своите сограѓани.