Еко акција за чиста Галичица ќе се реализира следната недела во четврток, 12-ти септември во рамки на која ќе бидат опфатени едукативната патека „Галичица на дланка” и „Зелената училница”.
Ајде да ја промениме лошата слика во Националниот парк Галичица. Едукативната патека „Галичица на дланка” и „Зелената училница” да ги направиме повторно чисто место каде што ќе се едуцираат нашите деца, порачуваат од НП „Галичица“.
Збирното место за сите заинтересирани да се вклучат во акцијата е инфо центарот на НП „Галичица“ (Велестовски пат,бб -Охрид) во 9 часот.
