Професионално длабинско и хемиско чистење на автомобили. Деновиве во нашиот град охриѓани го забележуваат атрактивното мобилно возило за миење коли. Идејата ја реализираа младите Никола и Бојан, кои како што велат не им требало некоја посебна анализа за да се одлучат за еден ваков бизнис. Тие следејќи ги модерните текови и брзите текови на живот деновиве ја отворија првата фирма во Македонија за мобилно и еко миење на автомобили.
„Еко Ваш“ работи на принцип на водена пареа, ние сме први во Охрид што работиме на тој принцип. Предностите се во тоа што правиме 80% помала колична на вода отколку стандардните авто перални, затоа е возможно и мобилното еко миење, значи каде и да дојдеме на било која локација ние ќе направиме минимално вода што не се ни заприметува“
Никола Петроски веќе ги споделува првите впечатоци од нивното досегашно работење, со „Еко Ваш“.
„Охриѓани се позитивно изненадени од нашава идеја и секој ден се повеќи има заинтересираност“
Најголемата предност на мобилното еко миење на автомобили што ја прават момчињата од „Еко Ваш“е тоа што не користат средства за надворешно миење што било посебно погодно за новите автомобили да се сочува сјајот на возилото и да се заштити од евентуални гребаници кои се случуваат при миење со јаки четки. Тие убедуваат дека постои огромна разлика помеѓу еколошкото миење на автомобили и оној стандарниот начин во автопералните.
