Елена Лотеска-Наумовска, единствената жена-капетан кај нас, дел од Глобалната лидерска конференција „Јас сум жена“

Во Музејот на македонската борба за самостојност денеска се одржува петтата Глобална женска лидерска конференција „Јас сум жена“, во организација на Здружението за вмрежување на жени, едуцирање и истражување „Јас сум жена“, во рамките на иницијативата „Мајките за Македонија“.

Меѓу учесничките на конференцијата е и Елена Лотеска-Наумовска, единствената жена-капетан кај нас, која со своето професионално искуство и приказна е пример за храброст, посветеност и рушење на стереотипите во професиите.

Настанот и годинава на едно место обединува исклучителни Македонки од земјава и странство, кои ќе ги споделат своите знаења, искуства и професионални достигнувања.

Големиот интерес за конференцијата „Јас сум жена“ уште еднаш ја потврдува потребата од поврзување, размена на знаења, отворање нови можности и создавање заеднички иницијативи.