Skip to main content

СВР Охрид

Гости во хотел на охридското крајбрежје се затруле со хлор во базенот

Седум лица завршиле во болница со симптоми на труење со хлор.
 |  инфодеск  | 

Гости во хотел на охридското крајбрежје кои го користеле базенот покажале знаци на труење со хлор.

– На 08.12.2023 во 19.55 часот во СВР Охрид е пријавено дека во хотел на брегот на Охридското Езеро, неколку лица што го користеле затворениот хотелски базен манифестирале знаци на труење со хлор. Притоа, во Општата болница во Охрид биле пренесени М.Р.(24), А.Б.(19), двајцата од Охрид, Ј.А.(45) и А.П.(37) од Скопје, додека во Општата болница во Струга биле пренесени Ѓ.А.(42) и две малолетни лица, сите од Скопје. За случајот се известени јавен обвинител, претставници на санитарна и здравствена инспекција, Центар за јавно здравје и трудова инспекција, а увид извршија полициски службеници од СВР Охрид, се вели во соопштението од полицијата.