Градоначалникот Александар Петрески ќе поднесе тужба до Управниот суд, а ќе се жали и до Министерството за локална самоуправа и ЗЕЛС против Министерството за Транспорт и врски. Причина за тоа е одземањето на ингеренциите на Локалната од страна на Транспорт и врски за постапување по случајот на дивоградбата на ИВ- ИРЕ во Трпејца. Петрески вели:
Јас не сум против тоа министерството да излезе и да руши, туку јас сум против одземањето на ингеренциите на Општина Охрид бидејќи немаме направено никаков прекршок за да се направи тоа.
Градоначалникот тврди дека Министерството за Транспорт и врски вчера им ги одзело ингеренциите за гореспоменатиот предмет, а со тоа го прекршило законот. Тој објаснува дека Локалната пред десет дена го завршила предметот. Сопственикот има рок од 15 дена да се жали по донесената одлука за рушење на објектот или истиот самиот да си го сруши. Бидејќи овој рок не е изминат на Локалната и се врзани рацете нешто да превземе бидејќи со тоа ќе го прекрши законот и може да биде тужена и оштетена со дури еден милион евра, тврди Петрески. 
Од ВМРО ДПМНЕ, пак, се согласуваат со одлуката на Транспорт и врски и велат дека е повеќе од оправдана. Никола Митровиќ,портпаролот на ОК на ВМРО ДПМНЕ, ова бил последниот можен правен лек.
И додека локалната и централната власт се препукуваат секој тврдејќи дека ја кажува вистината, трпејчани можат многу да изгубат со оглед на фактот што уште 100тина дивоградби, во локалната чекаат за легалицазија. На самиот почеток на туристичката сезона ова и не е е баш некаква позитивна кампања. Туристите несакаат да се сончаат и капат, а некој над нивните глави со багери да руши.
{loadposition content9}
