![](/wp-content/themes/yootheme/cache/66/IMG-de352432c082c8e5b925daee5f41d841-V-e1712045266942-667c863b.jpeg?x28309)
По повод рамазанскиот пост и во пресрет големиот верски празник Рамазан Бајрам, градоначалникот на Општина Охрид, Кирил Пецаков, синоќа приреди Ифтарска вечера за граѓаните со муслиманска веросиповед.
![](https://tvm.mk/wp-content/uploads/2024/04/IMG-08a36bb223c9adfd16247caff58f8f78-V-edited.jpg?x28309)
Во своето обраќање пред бројните гости, градоначалникот Пецаков ја истакна важноста на меѓусебното почитување и одржување на верските традиции.
-Искрено се радувам што организирањето на оваа Ифтарска вечера стана дел од нашата традиција со која продолжуваме да ги негуваме заедништвото, взаемното почитување и хуманоста.
Светиот месец Рамазан претставува време за радост, обновување на верските вредности и носи многу драгоцени мигови со најблиските. Преку заедничката трпеза луѓето изразуваат сплотеност и шират пораки за мир и божји благослов.
Празничните моменти не учат да простуваме и да правиме добри дела. Посакувам овој рамазански месец да даде сила и верба да го подигнеме на повисоко ниво нашето мултиетничко живеење и да изградиме поубава иднина за Охрид и Македонија.
Со најискрени желби за здравје и благосостојба ви посакувам лесен пост и многу убавини во вашите семејства. Со вербата во Бога ви посакувам да имате добра мисла и пријатно расположение пред големиот празник Рамазан Бајрам. Да си го дочекате овој значаен ден со радост во срцата и спокој во душите.
Верувам дека и во иднина ќе продолжиме вака заеднички да ги чествуваме сите големи верски празници и да оставаме спомени вредни за паметење, истакна Пецаков во своето обраќање.
![](https://tvm.mk/wp-content/uploads/2024/04/IMG-dd5c266daab27443276a7db87b681baa-V2.jpg?x28309)
Ифтарската вечера во покровителство на градоначалникот на Општина Охрид се организира со цел да се одржуваат меѓурелигиските врски во заедницата. Рамазанскиот пост завршува наредната седмица, а муслиманските верници ќе го прослават големиот празник Рамазан Бајрам во среда на 10-ти април 2024 година.