Охрид ги евидентира првите негативни реакции на вработените во образованието, засегнати од спогодбата на претседателот на СОНК Дојчин Цветаноски и Министерот за образование Никола Тодоровски.
„Вработените во образованието во два наврати се изманипулирани“- вели Драган Цветкоски претседателот на општинскиот синдикат на Охрид. Тоа пред се е од два аспекти додава тој, како од спогодбата за продолжување на договорите на вработените во образованието од определено на неопределено работно време, така и од последниот писмен допис до сите претседатели на регионалните одбори на СОНК. Цветаноски обвина дека спогодбата е формално замачкување очи на членството додека работите стојат сосема поинаку.
До нашата редакција стигнаа повеќе дописи на оваа тема. Во нив стои дека и правниците се збунети и се прашуваат како е можно спогодбите да се над законот. Според нив продолжување на договор за вработување без објавување оглас за оние вработени во образованието кои работат помалку од пет години е мистерија. Во дописот исто така стои дека сосема е нејасно како може претседателот на СОНК Дојчин Цветаноски и министерот за образование да ветуваат нешто што не постои, кое правно е неизводливо и неиздржано. Продолжување на договор не е предвидено со ниедна правна норма а тоа им било познато и на претседателот на СОНК и на министерот за образование.
Сите обвинувања како од ССМ така и од одредени лица се инструирани од нам добро познати извори рече претседателот на СОНК Дојчин Цветаноски. Тој ги отфрли сите обвинувања и рече дека законите и правните норми треба добро да се простудираат а не да се настапува со непознатици, спогодбата на локално ниво е согласно законските норми додава Цветаноски. Во Охрид има само еден таков случај во ОУ Св. Климент Охридски и тој се надмина, нема потреба од димензионирање на случајот и подгравање на состојбата конкретно во овој дел.
{loadposition content9}
