Градот хортикултурно се уредува
Градот хортикултурно се уредува.Четириесет катчиња ќе прераснат во убави паркчиња.
![parkce](/wp-content/themes/yootheme/cache/1b/ohrid_2014_fevruari_parkce_thumb-1ba1ff48.jpeg?x28309)
Се уредуваат зелените површини во градов. Директорката на ЈП „Комуналец“, Елена Скрческа вели дека иако не е нивна обврска си поставиле задача хортикултурно да уредат четириесет качиња во градов. Денес се дотеруваше паркот кај згарадата на Ремис кој години наназад беше запоставен. Се посади трева, трендафили и палми, а се исчисти и шутот кој беше расфрлан. Скрческа ветува дека ќе се посвети внимание и на периферните делови од градот, а централното градско подрачје ќе се поднови со нови цветни садници и дрвца. Веќе се оплемени просторот околу чинарот, а се садеше и на кејот. Ќе се прави мини парк и на улицата Никола Карев на пресекот со улицата Асном. Директорката кажа дека ќе се разубавуваат и паркчињата во руралните средини.
{loadposition content9}