Во ОУ „Христо Узунов“ се одржа Новогодишен панаѓур на кој се продаваа домашно изработени деликатеси. На продажната маса се најдоа различни видови на колачи, ролати, кифлички, погачи и други специјалитети подготвени од родителите. Најмалите основци срамежливо потврдуваа дека при подготовката на деликатесите биле вклучени и тие.
Денешната акција е само една од повеќето хуманитарни случувања во кои активно се вклучија и родителите. Декември или месецот на „Отворено срце“, е време кога се дарува и се помага на лицата во заедницата кои имаат потреба од помош.
„ Целта на хуманитарната предновогодишна акција е во соработка со родителите за да искажеме хуманост на дело од најмала возраст што денес се покажа многу успешно и им благодариме на сите родители“, вели одделенскиот наставник Наташа Тренеска.
Наставниците кои учествуваат во организацијата на хуманитарната акција се задоволни од тоа како протече продажниот панаѓур и од одѕивот на родителите. Во акцијата учествуваа учениците од 1 до 9 одделение. Покрај оваа акција се одвиваат и акции за собирање на стара хартија и пластика.
Средствата кои ќе бидат собрани од хуманитарните акции ќе бидат наменети за набавка на специјално возило за децата со посебни потреби од нашата општина.
{loadposition content9}
