Советниците на град Охрид во петок ќе гласаат по неколку интересни предлог одлуки кои се од интерес за јавноста.
На 36та седница на Советот, градските советници ќе треба да се произнесат по однос на елаборатот за проценка на штетите од снежните наноси во нашата општина од крајот на минатата година, а исто така ќе се дискутира и по однос на записниците за проценка на настанатите штети од пожар и невреме на подрачјето на општината. Особено внимание привлекува третата точка на дневниот ред, а која се однесува на изборот на приватен партнер за изградба на затворениот зелен пазар во Охрид. На оваа предлог одлука и претходеше отворање на понудите доставени на третиот тендер за затворениот пазар, а на кој беше пристигната една понуда, онаа од градежната фирма АД „Илинден“ од Струга. Покрај другото, на 36та седница ќе се дискутира и околу ценовниците за извршување услуги на МЈП „Проаква“, „Охридски комуналец“, „Градски гробишта“, и јавното претпријатие „Нискоградба“.
Останатите предлог одлуки се од сферата на урбанизмот, а дел од нив се однесуваат на иницијативи за изработка на ДУП-ови, донесување на урбанистички планови за вон населено место, како и утврдување потреба за донесување урбанистичко планска документација за вклопување на бесправно изградени објекти .
{loadposition content9}
