Поради обилните врнежи, излеани се неколку речни корита на територијата на Општина Дебрца, информира градоначалникот Златко Сиљаноски.
–Екипите на општината се на терен уште од вчерашниот ден и активно се работи со расположливата механизација. Во интервенциите се вклучени и приватни компании со цел навремено и ефикасно справување со состојбата, посочува градоначалникот.
Сиљаноски потенцира дека засега нема ниту еден поплавен објект.
Додава дека внимателно се следи целата ситуација, а екипите остануваат на терен подготвени за навремена реакција доколку има потреба.
