Со отворање на изложба на дела од колекцијата на Славко Упевче инпирирани од Свети Наум, вечерва во Куќата на Уранија, во 20 часот започнува годинешната „Научна и уметничка визита 2023“.
Убавините на Св Наум видени низ уметничкиот сензибилитет на академскиот сликар Упевче беа претставени на изложба во 2011 -тата година по повод 1100 години од упокојувањето на Св. Наум Охридски. Љубителите на уметноста остануваат маѓепсани пред неговите пејзажи, изработени во техниките сув пастел, масло на платно и акварел.
Вечерашната изложба е убава можност за охриѓани и гостите да уживаат во уметнички жар со кој Славко Упевче пристапува на неисцрпната убавина на овој предел.
„Научна и уметничка визита 2023“ во организација на Македонската академија на науките (МАНУ) и во претстојните денови ќе понуди бројни културно-научни содржини.
Во организација на Истражувачкиот центар за ареална лингвистика „Божидар Видоески“ при МАНУ, на 10, 11 и 12 август ќе се одржи лингвистичка работилница насловена „Дијалектна обработка на македонскиот јазик“.
Одделението за лингвистика и литературна наука при МАНУ пак на 25 и на 26 август организира Конференција за кинескиот јазик, литература и култура.
Поетската средба насловена „Разговор со академик Павле Горановиќ“ е предвидена е на 27 август.
Во рамки на програмата ‘на визитата е ќе биде промовирано и Издание посветено на научноистражувачката работа на академик Алајдин Абази по повод 80 години од неговото раѓање.
Научната и уметничка визита завршува со Охридската школа на природно право што ќе се одржи од 29 август до 2 септември.
