Јавен повик за субвенционирање на граѓаните на подрачјето на општина Охрид за купување велосипеди во 2026 година

Согласно Програмата за поддршка на локалниот економски развој на општина Охрид за 2026 година и Правилникот за користење на финансиски средства од Буџетот на општина Охрид за субвенционирање на граѓаните на подрачјето на општина Охрид за купување велосипед во 2026 година општина Охрид објави Јавен повик за субвенционирање на граѓаните на подрачјето на општина Охрид за купување велосипеди во 2026 година.

Општина Охрид, со цел да ги стимулира жителите на општина Охрид за користење на велосипеди, на граѓаните кои ќе купат нов велосипед со датум од објавувањето на овој повик се до исцрпување на буџетот наменет за Јавниот повик, ќе им надомести дел од трошоците направени при купување на велосипед. Средствата што општина Охрид ќе ги субвенционира се во износ од 50% од вредноста на велосипедот, но не повеќе од 6.000,00 денари по лице, со вклучен персонален Данок на доход, стои во повикот.

Право на учество на Јавниот повик има секое физичко лице кое ќе ги исполнува условите наведени во повикот. Доделувањето на средствата ќе се врши по принципот “Прв дојден, прв услужен” во периодот од објавување на повикот па се до исцрпување на буџетот наменет за Јавниот повик. Информации за потребните документи и начин на аплицирање на веб страната на општината.