„Во чест на младата хероина Ви го честитаме патрониот празник 7-ми Ноември.На сите сограѓани им го честитаме Денот на ослободувањето на Охрид од фашистичкиот окупатор.,-порачаа од градинката.
Делегација од детската градинка положи свежо цвеќе пред бистата „Јасна Ристеска“ во с.Рамне. Дечињата на возраст од 4-5 години под водство на воспитниот тим Ружица Томоска и Габриела Дејкоска се претставија со две стихотворби „Јасна Ристеска“ и „Празникот на мојот град“
По повод празникот 7-ми Ноември општествено одговорен граѓанин на Охрид донираше 20 креветчиња за дечињата во јаслените групи. Почесниот конзулат на Р.Србија со седиште во Охрид обезбеди донација од 12 смарт телевизори од марката ТЕСЛА со најнова технологија кои овозможуваат забава и поефикасана едукација на дечињата. Почесниот конзулат на Р.Србија со подршка од Општина Охрид и регионот помага во реализција на проекти во интерес на дечињата и нашите сограѓани.
„Нека ни е честит празникот 7-ми Ноември, да вложуваме во иднината на нашите дечиња и градот наш да стане светска метропола и поубаво место за живеење.“ – порачуваат од охридската градинка.
