Јован Крлев избран за секретар на Општинската организација на СДСМ во Охрид

На конститутивната седница на Извршниот одбор на ОО на СДСМ Охрид беше изгласан Јован Крлев за секретар на Општинската организација на СДСМ во Охрид, информираа од партискиот огранок.

-Другарот Јован Крлев изминатиот период се покажа и докажа како личност која гласно и борбено ги бранеше партиските идеали и како личност која ужива углед во доменот на својата професионалност, но и почит помеѓу нашите членови и симпатизери. На СДСМ секогаш ветер во грб и се младите, нивната амбиција, елан и енергија, велат од ОО на СДСМ Охрид.

Од општинската организација на Јован му посакаа истрајност и мудрост при носењето на одлуки заедно со партиското раководство, многу успех и плодна работа, почитување на ставовите и мислењата на членовите и соработка со секој оној кој верува и ги почитува социјалдемократските вредности.