Акција за подигнување зелен отпад 05.11.2022 населби Кошишта, Воска и Даљан.
ЈП „Охридски Комуналец” ги известува граѓаните на Општина Охрид дека на ден 05.11.2022 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) од У.З.3 и У.З.4 населби Кошишта, Воска и Даљан.
Се молат граѓаните кои живеат во споменатите делови од градот доколку имаат ваков отпад уредно да го депонираат најдоцна до 7 часот на 05.11.2022 и претходно локацијата да ја пријават на дежурниот телефон 075-495-428, кој функционира секој ден во неделата во периодот 7-21 часот. Зелениот отпад треба да е уредно оставен до контејнерите или на местата предвидени за подигнување комунален отпад – информираат од ЈП „Охридски Комуналец“ Охрид.
