Општина Охрид објави конкурс за избор на архитектонско идејно решение за партерно и хортикултурно уредување на кејот Македонија. Просторот за кој треба да се изработи идејно решение за уредување во моментов е оплеменет со зеленило и нуди убави места за одмор, прошетки, релаксација, рекреација и други содржини, сметаат од локалната самоуправа но додаваат дека истовремено му недостасуваат квалитетни содржини, уредување и понуда која во текот на целата година ќе ги првлекува домашните и странски посетители.
Со конкурсот се бара идеја за партерно и хортикултурно уредување на Кејот кое ќе може целосно да се вклопи во постојниот амбиент со максимална функционалност, афтентичност и естетика. Посебно се бара акцент да се стави на видикот кон Охридското езеро и осветлување на кејот. Право на учество на конкурсот имаат сите заинтересирани домашни и странски, правни и физички лица кои поседуваат соодветно овластување согласно Законот за просторно и урбанистичко планирање и Законот за градење.
Оценувањето на пријавените трудови ќе го врши тричлена жири комисија. Со изготвувачот на идејното решение кое ќе биде оценето како најдобро рангирано, општина Охрид, согласно Законот за јавни набавки ќе отпочне постапка за доделување на договор за јавна набавка со преговарање без претходно објавување на оглас за изработка на основен проект. За најдобрите решениа предвидени се и награди, и тоа прва награда во висина од 90 илјади денари и втора награда во висина од 30 илјади денари. Идејните решенија треба да се доставуваат најдоцна до 9ти декември оваа година по пошта или лично со поднесување во архивата на општина Охрид.
{laodposition content9}
