Високо стручно и професионално ниво на функционирање во многу предизвикувачки услови во Специјализирана болница за кардиоваскуларни заболувања „Св. Стефан“, ова е впечатокот на првиот човек на ФЗОМ, Сашо Клековски при посетата на болницата.
–Зошто во многу предизвикувачки услови? Стариот објект потекнува од синдикално одмаралиште, што не одговара на модерните болнички стандарди, а опремата е ограничена (на пр. само еден ангиограф). Сепак, благодарение на посветениот персонал – кардиолози, интервентни специјалисти и целиот тим – постигнуваат одлични резултати!– вели Клековски.
Додава дека во последните години има позитивни чекори: набавка на нови апарат, енергетска ефикасност и реконструкција на делови од објектот.
–Тоа покажува дека со поддршка може да се оди уште подалеку. Ова е одличен пример како со човечки фактор, стручност и посветеност може да се постигнат големи работи дури и во ограничени услови, вели Клековски.
Тој изрази јавна благодарност на раководството, сите доктори, медицински сестри и персонал за нивната посветеност.
