©2008 - Сите права се задржани. Powered by TVM.


Заокружување на музичката програма на охридско лето

Концерт во спомен на Александар Џамбазов

Македонскиот композитор и диригент Александар Џамбазов почина на 25-ти јануари годинава, а зад себе остави богат творечки опус.
 |  инфодеск  | 
Концерт во чест на Александар Џамбазов

Концерт посветен на великанот на македонската современа музика Александар Џамбазов ќе се одржи вечерва на сцената Долни Сарај со почеток во 21 часот.

Под диригентската палка на Љупчо Мирковски, солисти на вечерта ќе бидат пијанистот Бобан Мирковски, сопранот Наде Талевска и тенорот Ѓорѓи Цуцковски кои заедно со Ревискиот оркестар на Љупчо Мирковски ќе изведат познати композиции од маестро Џамбазов.

Македонскиот композитор и диригент Александар Џамбазов почина на 25-ти јануари годинава, а зад себе остави богат творечки опус. Тој е автор на сценска и филмска музика, на детски песни, на дела од класичната музика, а исто така е композитор на хорски песни, како и на голем број популарни мелодии. Иницијатор е и долгогодишен диригент на фестивалот на детски песни „Златно славејче“.

За својата обемна творечка дејност во областа на музиката, маестро Џамбазов е добитник на бројни стручни награди.

Вечерашниот концерт ја заокружува музичката програма на годинешното 62-ро издание на „Охридско лето“, а фестивалот свечено ќе биде затворен утревечер со театарската претстава „Вујко Вања“ од Антон Павлович Чехов, во режија на Егон Савин, а во изведба на Југословенски драмски театар-Белград, Србија.

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top