Кратко, но силно невреме го зафати Охрид нешто по 17 часот. Наши читатели до рубриката „Ти си твојот град“ испратија слики од паднати големи гранки од дрва на повеќе локации низ градот. Еве ги нивните коментари:
Во населбата „Христо Узунов“, кај зградата од Слобода, од невремето кое беше проследено со дожд и ветар падна дрво на паркирана кола. За среќа нема поголема штета – вели Ѓоргиоски за „Ти си твојот град“.
Од невремето кое беше како бела олуја со зрна град, се скрши дел од Чинарот кај Воените зфраги помеѓу Генерал Сат и Маџаров. Среќа што падна кон паркчето, а не на бул. Туристичка. Уште има гранки кои висат на дрвото. Ова е диво посаден Чинар, а е голема опасност за возачите – пишува Јохана Симоне до нашата рубрика.
