Skip to main content

Свр охрид

Кривична за охриѓанец поради узурпација на недвижности

Кривична пријава против 25-годишен охриѓанец кој неовластено узурпирал околу 200м квадратни простор на плажа пред хотел и противправно поставил 50 чадори за сонце и 120 лежалки.
 |  инфодеск  | 
Полиција

СВР Охрид поднесе кривична пријава против Б.А.(25) од Охрид и против правен субјект со седиште во Охрид поради постоење основи на сомнение за сторено кривично дело „узурпација на недвижности”.

Пријавениот, во својство на управител во правниот субјект, од јуни до октомври 2022 година неовластено узурпирал околу 200 метри квадратни простор на плажа пред хотел покрај брегот на Охридското езеро, кој со пропис е прогласен за имот од општа употреба и противправно поставил 50 чадори за сонце и 120 лежалки. Тоа го направил без да добие одобрение од надлежните служби во општина Охрид – информира Стефан Димоски, портпарол на СВР Охрид.