Здружението на лекари од Охрид најостро го осудува вчерашниот вандалски чин кога на државната клиника во Скопје беше ранет хирург од страна на револтиран син на пациентка која била лекувана на клиниката, кој со огнено оружје влегол во болницата и пукал кон 39 годишниот доктор. Причина за ваквата реакција на напаѓачот било тоа што неговата мајка која била лекувана и оперирана, починала на одделението за дигестивна хирургија.
Ваквиот настан ја потресе целокупната македонска јавност и со овој чин и како земја и како народ треба да се срамиме. Однесувањето на дел од пациентите кое многупати е арогантно, дрско и брутално длабоко не навредува, вели Д-р Лилјана Котлар-претседател на здружение на лекари- Охрид.
Охридското здружение на лекари бара од надлежните институции, лекарската комора на РМ, македонското лекарско друштво и Министерството за здравство под итно да донесат закон за заштита на дигнитетот, угледот и психофизичкиот интегритет на докторите и медицинскиот персонал.
Ние на сопствените работни места во својата држава се чуствуваме несигурни, исплашени и понижени. Вакви повреди на угледот и честа на докторите не се познати во ниту еден период од нашето минато, вели Д-р Котлар.
Лекарите велат дека тие и понатаму ќе ги почитуваат моралните, етичките и хуманите вредности на оваа професија и покрај сите негативности на кои секојдневно се изложени.
{loadposition content9}
