Во тек е летната регионална крводарителска акција
Од Црвен крст Охрид ги повикуваат сите здрави лица кои ги исполнуваат условите за дарување крв да се приклучат на оваа хумана иницијатива и со својот хуман гест да помогнат во спасување човечки животи
Во НУ Центар за култура „Григор Прличев“ – Охрид, во тек е Регионалната летна крводарителска акција во организација на Црвен крст Охрид а во рамки на пошироката иницијатива на републичкиот Црвен крст за обезбедување доволни резерви на крв.
На акцијата ќе учествуваат крводарители од Охрид, Струга, Битола, Прилеп, Кичево, Демир Хисар и Ресен, обединети со заедничка цел да се обезбедат доволни резерви на крв за сите на кои им е потребна.
Од Црвен крст Охрид ги повикуваат сите здрави лица кои ги исполнуваат условите за дарување крв да се приклучат на оваа хумана иницијатива и со својот хуман гест да помогнат во спасување човечки животи.
