Започна Летната школа по македонски јазик во Охрид за децата на иселениците.
Летната школа во Конгресен центар ја отвори Директорот на Агенцијата за иселеништво, Слободан Близнаковски, кој ги поздрави учениците, им посака успешна и плодна работа со надеж дека убавото искуство ќе биде поттик следната година повторно да се вратат на Школата и да го учат мајчиниот јазик.
Оваа година на Летната школа учествуваат 34 ученици од Швајцарија, Хрватска, Србија, Шведска, Австралија, Словенија и Австрија.
На Школата со времетраење од една недела, покрај учењето на мајчиниот јазик, децата ќе имаат можност да посетат значајни културно-историски знаменитости и низ игри, работилници и дружења да се запознаат со вредностите и обележјата на својата татковина.
