Македонскиот ММА тим избори место во елитната професионална Европска ММА лига. Ова големо европско натпреварување за прв пат се формира годинава, а дел од него ќе бидат и нашите борци.
Според координаторот на Македонскиот ММА тим, Марјанчо Лазарески, оваа европска лига ќе значи и огромна можност за анонимни борци да дојдат до израз и да добијат соодветно признание.
„Ние успеавме да влеземе во првите 16 земји. Учествуваат само 16 земји, а не влегоа земји како Русија, Грција, Бугарија. Ние успеавме да влеземе под нашето уставно име, Република Македонија. Тоа е најголемиот успех. Најголема заслуга за овој влез во Европската ММА лига има Саша Попоски кој е тим лидер и исто така соработниците, тим селекторот Зоран Спасов и координаторот Раде Стефаноски од Велес.“-рече координаторот, Марјанчо Лазарески.
Денес борците од Македонскиот ММА тим одржаа и заеднички тренинг во малата сала во Билјанини извори. 
„Тренинзите во Охрид, се случуваат тука во мала сала Билјанини извори под водство на Саша Попоски, а Македонскиот ММА тим и оваа екипа која ја набројав патуваме низ цела Македонија секој викедн и одржуваме заеднички тренинзи и разменуваме искуства. Го даваме најдоброто од нас за да ги извадиме најдобрите борци.“-вели Лазарески.
Првиот турнир во рамките на новоформираната Европска професионална ММА лига започнува на 8 Февруари, а честа да го отвори овој турнир ќе има токму еден од нашите борци, Ѓоре Стојанов.
ММА спортот всушност значи мешавина од боречки вештини, спорт во кој се применуваат заеднички правила од тек вон до, карате, кик бокс, бразилско џиу џицу, борење, бокс. Освен можноста да се учествува на едно големо натпреварување, Лазарески вели дека има и убави парични награди за најдобрите.
{loadposition content9}
