И после четири години од дадените ветувања дека на просторот на некогашната библиотека ќе се гради плоштад, нема ништо на повидок. Локалната самоуправа и Заводот за заштита на спомениците уште во 2008год. започнаа со изготвување на заеднички проект за овој дел од градот. Во планот е предвидено овој простор да биде оплеменет со зеленило и клупи за седење како охриѓани би добиле едно пријатно катче за одмор.
Со одлука на совет на овај плоштад требаше да се постави и споменикот од Христо Узунов. Градоначалникот Александар Петрески смета дека на овој простор не се потребни големи градежни зафати и би можел за брзо време да се уреди доколку не се опструирани од Завод и музеј.
Од заводот пак велат дека не се работи за никакви опструкции. Директорката Тања Паскали Бунташеска вели дека проектот е готов, но дека во моментов имат поприоритетни работи од неговата реализација.
Инаку за потсетување, зградата на библиотеката беше срушена пролетта 2008год. по што набрзо требаше да се изгради новиот плоштад.
{loadposition content9}
