Марио Велкоски е првенец на генерацијата во СОСУ „Св. Кирил и Методиј“ – Охрид

СОСУ „Св. Кирил и Методиј“ – Охрид годинава признанието „Ученик на генерација“ му го додели на Марио Велкоски, ученик од класот IV-5, здравствена струка, кој во текот на своето средно образование се истакна со одличен успех, одговорност, посветеност и континуирана желба за напредок.

Од училиштето истакнуваат дека Марио со својата истрајност, трудољубивост и професионален однос кон наставните и практичните обврски претставува пример за останатите ученици.

-Покрај одличните резултати во наставата и активното учество во училишниот живот, Велкоски успешно го претставуваше училиштето и на бројни кошаркарски натпревари, каде со својот тимски дух, дисциплина, спортско однесување и борбеност придонесе за афирмација на училиштето и остварување значајни спортски резултати. Како ученик од здравствената струка, тој остави силен белег во училиштето не само преку своето знаење и успех, туку и преку хуманоста, чесноста, одговорноста и позитивниот пример што го даваше во текот на четиригодишното образование, – посочуваат од СОСУ „Св. Кирил и Методиј“ .

Од училиштето на Марио му го честитаат признанието и му посакуваат многу успех во понатамошното образование, професионалниот развој и идните животни предизвици.