Депонијата на Мауцкер сеуште не е исчистена. Иако уште во месец јануари Секретарот на општината Димитар Спасески заедно со Зоран Рафтоски, раководителот на Секторот за подршка на градоначалникоти 
директорката на ЈП „Комуналец“, Елена Скрческа на официјална пресс конференција најавија дека депонијата во најкраток рок ќе биде исчистена, на ова место и пет месеци подоцна можат да се забележат купишта шут и друг вид на отпад. Екипи од „Комуналец“ неколку недели го чистеа отпадот, но се откажаа од оваа невозможна мисија. 
Директорката изјави дека претпријатието ниту технички ниту кадровски може да одговори на задачата па затоа во план беше да се распише јавен повик за изнаоѓање најповолна фирма која ќе се нафати да го исчисти Мауцкер.
Уште пред десет дена до Секторот за односи со јавност испративме меил во кој го поставивме прашањето до каде е постапката за распишување тендер за изнаоѓање најповолен понудувач за расчистување на Мауцкер. Од таму ни кажаа дека прашањето ќе го препратат до надлежните служби во Општина. До денес никој не се одважи на јавноста да и одговори.
Инаку, добро е познато дека на Мауцкер треба да никне долгонајавуваната индустриска зона. Но се поставува прашањето кој инвеститор ќе даде пари за парцела на која се наоѓа градежен шут и друг вид на отпад.
{loadposition content9}
