Петта по ред меѓугенерациска средба на пензионерите од месниот огранок Горна Влашка Маала и учениците од ОУ „Христо Узунов“. На оваа традиционална средба, што е проект на Европската унија, а ја реализира Сојузот на здруженија на пензионерите на Македонија, присутните ги поздравија претседателот на Месниот огранок Милан Малчески, директорот на О.У „Христо Узунов“ м-р Тони Симоноски, претседателот на ЗП на Охрид и Дебрца Ѓорѓи Трпчески, а од Локалната самоуправа заменик градоначалникот Ангел Јанев.
По заедничката средба на пензиoнерите и учениците на тема: како се станува пензионер и кои се активностите и придобивките на пензионерите, беше изведена богата едночасовна културно уметничка програма, под раководство на наставничката по музичко Вера Булоска.
Меѓугенерациската средба беше збогатена и со настапот на Пејачката група „Далги“ и Драмско рецитаторската дружина „Развигорче“ при ЗП Охрид и Дебрца.
За успешната организација, придонесот и учеството во Меѓугенерациската средба која годинава одбележа мал петгодишен јубилеј, претседателот на ЗП Охрид и Дебрца Ѓорѓи Трпчески, на директорот на О.У „Христо Узунов“ м-р Тони Симоноски, му врачи Пофалница.
