Охрид во петокот беше домаќин на XVIII Меѓународна научна конференција INSCOSES 2026

Факултетот за туризам и угостителство – Охрид во петокот беше домаќин на XVIII Меѓународна научна конференција за услужниот сектор – INSCOSES 2026, која обедини истражувачи и професори од повеќе земји. На конференцијата беа презентирани научни трудови од областа на туризмот, угостителството, економијата, меѓународната трговија, логистиката, финансиите, осигурувањето и дигиталната трансформација.

Посебен дел од програмата беше пленарното предавање на проф. д-р Jean Vasile Andrei, на тема „When Energy Meets Tourism: A Twin Transition Perspective on Sustainable Transformation“, посветено на поврзаноста на енергетиката и туризмот во контекст на одржливиот развој.

Во рамките на конференцијата се одржа и тематска сесија за примената на предиктивната аналитика и вештачката интелигенција во унапредувањето на туризмот во Северна Македонија, на која беа презентирани резултатите од успешно реализиран проект поддржан од Министерството за образование и наука.

Од Факултетот за туризам и угостителство упатија благодарност до сите учесници, гости, модератори и колеги, како и до Општина Охрид и Министерството за образование и наука за поддршката во реализацијата на конференцијата.