Универзитетот за информатички науки и технологии Св. Апостол Павле претставуван од страна на Проректорката проф. д-р Устијана Речкоска Шикоска и фирмата ИТ Лабс од Скопје потпишаа меморандум за соработка.
„Со овој меморандум се утврдува рамка во која ќе се реализира соработката меѓу потписниците за работи од заеднички интерес базирани на искористувањето на научно-стручните, професионалните, материјално-техничките и просторните услови на двете страни, а насочени кон унапредувањето на едукативните, истражувачките и апликативните активности од областа на информатичките науки и компјутерското инженерство. “- велат од УИНТ Св. Апостол Павле.
Воедно, претставници на ИТ Лабс имаа презентација за технологиите со кои работи оваа фирма, нивните проекти и можностите за едукација, кариера и раст што им ги нудат на студентите од информатичките науки.
