Со работилница за младинско учество и Летна школа за гитара Младински центар Охрид од денеска започнува со одбележување на Светскиот ден на младите 12 август.
Во рамки на неделата на младите од 07-11 август предвидени се низа активности како креативни работилници, дискусии, проекции на краткометражни филмови, изложба, спортски и забавни игри и музика.
На 11 август ќе се одржи главниот настан во Касарна Охрид (Двор МЦО) на кој присутни ќе бидат претставници на граѓански организации, млади лица, претставници од основни и средни училишта како и од локални институции, поддржувачи на Младински центар Охрид.
