Деца од повеќе националности и општини од земјава преку спорт и екологија ќе ги развиваат телесните, духовните и културните вредности. Во хотел Далјан, на охридското крајбрежје, основците се дел од проектот „Младите преку спорт и екологија до мултиетничко разбирање и одржлив развој во Македонија“. Претседателот на Граѓанската асоцијација за рекреативно движење ( Гард), Гоце Илиески ја нагласува потребата од практикување на рекреативни спортски активности, развивање на еколошка свест и соживотот меѓу националностите кај младите личности.
„ Во рамките на нашите активности, децата се мултиетнично застапени се сплотуваат и се врши социјализација на културолошко поле. Физчки се активни, трчаат и пливаат. Опкружени се со прекрасно зеленило околу хотелот и добиваат духовна инспирација. Сите компоненти по третманот на современото живеење се негуваат“, вели Илиески. 
Професори од неколку основни училишта од земјава и членови на Гард на округла маса ќе расправаат како да ги сплотат активностите преку спортот и екологијата и мултиетничноста за да ги пршират од локално на регионално ниво, нагласува претседателот Илиески.
„ Екологијата не ги познава и признава политичките поделби и државните граници. Спортот како анимација за сите млади луѓе, посебно денес кога има многу девијации, стресно живеење, нашата активност се вклопува во рамките на „ Спорт за сите“. Тоа не е спортување натпреварувачко туку е рекреативно движење“.
Граѓанската асоцијација за рекреативно движење (Гард) е организатор на овој летен камп поддржан од Спортската унија на Словенија. Гард е дел од Светската спортска култура со седиште во Копенхаген, Данска и на бројни меѓународни спортски глобални асоцијации.
{loadposition content9}
