Дадени се национални цели за намалување на домашниот отпад кој завршува на депониите на долгорочен период во периодот 2025 -2030 година. Отпадните гуми, текстилот, отпадните масла и пластиката е предвидено со новиот Законот за управување со отпад и отпад од пакувања да се селектираат во секое домаќинство, напоменува екологот Ѓоко Зороски. Потсетува дека во развиениот свет отпадот е секундарна суровина и влегува во процесот на производство, а кај нас отпадот е ѓубре и се согорува.
Наместо 30 посто од целкупниот создаден отпад од домаќинството да заврши на депониите најчесто завршуваат 70 до 80 проценти.Затоа има проблем со депониите кои не се градени по Европски стандарди – вели Зороски.
Екологистите стравуваат дека кај нас проблем се и ќе бидат пет амбалажата, пластичните шишиња и другата пластика која не може да се рециклира. Еколошки проблем гледаат и во согорувањето на отпадниот текстил.
За текстилот сеуште нема решение во нашата држава. Се исфрла на депонија и се согорува. Во странство наоѓа примена во разни технолошки процеси и се обработува. Служи за изградба на мембрани во градежништвото или за други намени. Наоѓа примена, а кај нас завршува фрлен на депонија – додава Зороски.
Екологот Зороски препорачува процесот на селекција на домашниот отпад да се забрза. Во таа насока општините кадровски да се подготват со зголемен број на инспектори и кадри, како и да издвојат повеќе средства во буџетот за заштита на животната средина.
