Единаесет фонтани, на повеќе локации низ Охрид, ќе ги освежуваат, во претстојните летни денови, охриѓани и туристите. Фонтаните се изработени од мермер и травентин. Неколку мермерни чешми ќе бидат поставени на локации на кои досега немало јавни чешми за освежување, најавува Љупчо Танески портпарол од Одделението за комунален развој.
„ Мермерните фонтани се изработени и поставени на различни локации како што е Коста Абраш, кај градската библиотека, две се поставени на Булевар Туристичка во близина на Охридска банака и кај градскиот пазар“, наведува Танески.
Покрај овие локации фонтани се поставени и во близина на мини маркет, кај музичкото училиште, спортско рекреативниот центар Билјанини извори и еден за потребите не детското игралиште кај Лескајца. Локалната самоуправа преку Фондот за комунални дејности и јавните претпријатија има во план да постави јавни чешми за пиење вода и на други локации на кои досега ги немало.
„За овој период, пред престојните пролетен месец март, планираме да поставиме травентински фонтани по охридскиот кеј , наспроти хотел Гарден“, додава Танески.
Единаесете фонтани се поставуваат со пари од општинскиот буџет ,а за нивно одржување ќе се грижи РЕ „Водовод“ од МЈП Проаква.
