Наградата „Григор Прличев“ за авторот на поемата „Темна кутија“ под шифра „Јас, малиот Тој“

Од Центарот за култура „Григор Прличев“ информираат дека добитник на наградата „Григор Прличев“ за најдобра поема за 2025 година е авторот или авторката на поемата „Темна кутија“, пријавена под шифра „Јас, малиот Тој“. Одлуката едногласно ја донесе комисија во состав Славе Ѓорго Димоски – претседател и Зоран Анчевски и Андреј Ал Асади како членови.

– Од вкупно 9 пристигнати ракописи, 7 ги исполнуваа конкурсните критериуми. Поемата „Темна кутија“ претставува длабока духовна и егзистенцијална исповед на лирскиот субјект, кој преку долгата драматична исповед го претставува сопствениот судир со судбината, смртта, поезијата и смислата на човечкото постоење. Оваа поема е најконзистентна и отскокнува со поетски елементи, ја следи логиката на наративот од почеток до крај и вешто создава слики во главата на читателот, стои во образложението на комисијата.

Авторот на наградената поема „Темна кутија“ треба да го докаже авторството со доставување на оригиналниот примерок.