Од вкупно 5370 невработени корисници на бесплатна здравствена заштита, до 31март годинава до кога беше и последниот рок за пререгистрација, оваа обврска ја завршиле 3300 корисници.
Како што изјави раководителот на Подрачната единица на ФЗОМ од Охрид, Славе Крстаноски пререгистрација извршиле 61 % од корисниците, што е добар процент во споредба со оној од републичко ниво кој изнесува 56%.
Крстаноски нагласи дека 2070 невработени корисници останале без бесплатното здравствено осигурување и истите на 2 април биле одјавени од системот.
Сега тие ќе треба повторно да ја подготвуваат целата документација за стекнување на правото на здравствена заштита од Министерството за здравство.
{loadposition content9}
