Веројатно сте запознаени со најновите несогласувања помеѓу Грција и Турција околу тоа каде е татковината на ѓеврекот. И додека Грција тврди дека кулурито како што тие го викаат потекнува од византиски период, турците тврдат дека нивниот симит е она вистинското. Оваа навидум бесмислена препирка не заинтересира и нас па надевајќи се дека ќе ни помогнат во оваа дилема, решивме да ги запрашаме нашите граѓани кој ѓеврек нив им е најпознат. Еве што ни одговорија.
„За мене само охридскиот, варениот ѓеврек.“
„Јас варениот го сакам.“
„Па во Охрид сум, ќе речам охридскиот варен ѓеврек.“
„Најпознат е варениот, охридскиот ѓеврек, тој ви е добар.“-велат дел од граѓаните.
И сега?!!! Ете ти уште една беља. Наместо да ја разрешиме дилемата на нашите пријатели, ние додаваме масло во огинот. Што да се прави, веројатно секој со својата традиција.
Ова мало тркалезно задоволство не е ниту грчко кулури, ниту турски симит, ова е традиционален охридски варен ѓеврек…и има одличен вкус.
Наместо да се караат од каде потекнува, можеби ќе им е најдобро да се потрудат тој да биде вкусен и луѓето да го сакаат. Се чини безразлика кој ќе ја добие препирката, за нас во Македонија, Охридскиот варен ѓеврек веројатно засекогаш ќе биде омилениот појадок наутро.
{loadposition content9}
