Градоначалникот на Општина Дебрца, Зоран Ногачески, денес во Општина Терми, Грција се обрати на завршниот настан по повод успешната имплементација на проектот „Подобрување на заштитата на природните растенија во погранични области“ Conse PP.
Општина Дебрца е дел од овој проект кој се спроведува преку ИПА Програмата за прекугранична соработка Македонија-Грција, а за што уште еднаш изразувам благодарност до Делегацијата на ЕУ, која го поддржа овој проект. Исто така упатувам покана до сите засегнати страни да учестуваат и на завршниот настан кој на 11.07.2022 година ќе се одржи во с. Белчишта, во ново-реконструираниот изложбен центар на Белчишкото Блато – напиша Ногачески на официјалниот фејсбук профил.
