СОСУ “Св. Кирил и Методиј” Охрид од следната година воведува нов образовен профил, техничар за е-трговија и дигитален маркетинг.
Дијалогот на МОН со бизнис заедницата, општините и училиштата „Учи паметно, работи стручно“ ја исполни целта. Бизнис заедницата и економските училишта покренаа иницијатива – институциите препознаа. На наше задоволство, чест ни е да упатиме огромна благодарност за разбирањето и целокупната поддршка од бизнис заедницата, локалната самоуправа, МОН, Секторската комисија за квалификациите од Секторот Економија, право и трговија и сите релевантни институции – стои на официјалната фејсбук страна на охридското средно училиште.
После повеќе од една година спроведени истражувања и анализи на пазарот на труд веќе е изработен наставниот план за нова квалификација: Техничар за е-трговија и дигитален маркетинг во Секторот Економија, право и трговија, велат од оваа образовна установа.
