Во текот на 2016 година се очекува значаен развој на охридскиот аеродром, најави Алпер Ерсој, заменик-генерален директор за операции на ТАВ Македонија.
Од компанијата оцеунуваат дека 2015 година била успешна во поглед на бројките за сообраќај за охридскиот аеродром.
– Забележавме значаен пораст на сообраќајот на двата аеродроми, бројки кои се многу повисоки од европскиот просек. Бројот на патници порасна за повеќе од 20% на годишно ниво и има најголем пораст споредено со сите 14 аеродроми со кои ТАВ холдингот оперира, велат од ТАВ Македонија.
Еден од најголемите тур-оператори Томас Кук, ќе почне да организира чартер-летови до Охрид ова лето. Новина за охридскиот аеродром Св. Апостол Павле се и најавените чартер-летови од Израел, кои заедно со традиционалните летови од Холандија, Белгија, Швајцарија и Австрија, ќе придонесат за поголем прилив на туристи во Охрид, додаваат од компанијата.
