Од 1 октомври ќе има измена на цените на паркинг услугите кои ги стопанисува ЈП “Билјанини Извори”.
„Од 1 октомври цените на сите зони, вклучувајќи ја и Премиум зона, ќе изнесуваат 30 денари за секој еден час паркирање на јавно паркиралиште со кое ние стопанисуваме. За потсетување досегашните цени за користење на зона А и Б изнесуваа 40 денари за еден час паркинг додека зона Премиум 100 денари за еден час паркинг. Измената важи за период од 01. 10. 2023 до 31. 03. 2024 година.“ – информираат од ЈП „Билјанини извори“
Од јавното претпријатие посочуваат дека измената на цените е согласно одлуката за дополнување и изменување на одлуката за утврдување на цени за користење на паркинг простори ( Бр. 02-1267/2) донесена на 27. 12. 2022 година.
Ги замолуваат сите корисници на паркинг простор со кој стопанисува јавното претпријатие да пристапуваат совесно и да ги почитуваат правилата и одлуките на ЈП “Билјанини Извори” и Советот на градот Охрид.
