Со почетокот на учебната година од понеделник 2 септември со одлука на Управниот одбор се враќа стандардното работно време на Библиотеката со читателите.
Од понеделник до петок пултот за зајмување ќе биде отворен од 8.30 до 18.30 часот.
-Како и досега читателите слободно ќе можат да влезат и да одбираат книги од полиците и да побараат помош од библиотекарите, се вели во соопштението од НУ Библиотека „Григор Прличев“.
Читалната во одделот за издавање ќе биде отворена од понеделник до петок од 9 и 30 до 17.00 часот, а читалната за дневен печат и периодика во Прличевата одаја со читатели ќе работи од 9 до 14 часот.
Годишната членарина ќе има иста цена, 300 денари за возрасни и 200 денари за деца.
